പോസ്റ്റ് "കുള" മാകുന്നതെങ്ങനെ!!!!
 |
വല്ലാത്തൊരസ്വസ്ഥത! എന്താണെന്നൊരു പിടിയുമില്ല..ആ ഫലൂദേം,, പായസോം കുടിച്ച തിന്‍റെയാണോ.ന്നറിയില്ല.. ഒന്നുമങ്ങോട്ടു തിന്നാനോ കുടിക്കാനോ തോന്നുന്നില്ല....വായനയില്ല..എഴുത്തില്ല,,
കമന്‍റിയില്ലെങ്കില്‍ ബ്ലോഗ് ചങ്ങാതികള്‍ പിണങ്ങിയാലോ എന്ന് കരുതി അക്കാര്യം മുടങ്ങാതെ ചെയ്യുന്നൂന്നു മാത്രം .
വല്ല്യ ബ്ലോഗ് മുതലാളി മോന്‍ പറഞ്ഞു,,ഇനി ഉമ്മാന്‍റെ പ്രഷറൊക്കെ ഒന്ന് നോക്കുന്നത് നല്ലതാ,,ബ്ലോഗൊക്കെ തുടങ്ങിയതല്ലേ ഇനി കുറച്ച് പ്രഷറൊക്കെ ഉണ്ടാകാന്‍ ചാന്‍സുണ്ട്..ചെലപ്പോ അതാകും. ഇതു കേട്ട ബ്ലോഗിമോന്‍ പറഞ്ഞു,."അതൊന്നുമല്ല കാക്കാ.. എനിക്കറിയാം,, ഉമ്മാക്ക് പോസ്റ്റൊന്നും കിട്ടാഞ്ഞിട്ടാ..."
അപ്പോഴാണ് എനിക്കും ആ ഉള്‍വിളിയുണ്ടായത്. ചെലപ്പം അതായിരിക്കും പ്രശ്നം!!
എല്ലാരും തോന്നുന്നതൊക്കെ പോസ്റ്റാക്കുന്ന ഈ കാലഘട്ടത്തില്‍,,ഞാന്‍ മാത്രം സ്റ്റോക്കൊക്കെ തീര്‍ന്നു ഒരു കുണ്ടാമണ്ടിപ്പോസ്റ്റുമിട്ട് മ്ഴ്ങ്ങസ്യാ...ന്നിരിക്കുന്നു...,
ഇനിപ്പോ നോക്കീട്ടു കാര്യല്ല..പൊറത്തൊക്കെ ഒന്നിറങ്ങി നോക്കട്ടെ ,,വല്ലതും തടഞ്ഞാല്‍ പോസ്റ്റാലൊ..,ഇല്ലേല്‍ ഞാനും വല്ല ഇറച്ച്യോ,,കോഴ്യോ പൊരിച്ച് ഫോട്ടോ എടുത്തങ്ങട്ട് പോസ്റ്റും....,ഇല്ലെങ്കില്‍ ഒരു ചമ്മന്തിപ്പോസ്റ്റെങ്കിലും ഇട്ടു മാനം കാക്കുമെന്നുറപ്പ്!!
ഇവിടെ വന്ന സ്ഥിതിക്ക് ഇനിയൊരു തിരിച്ചുപോക്ക് ആലോചിക്കാന്‍ പോലും വയ്യ..
തേടിയ പോസ്റ്റ് കാലില്‍ ചുറ്റി എന്നു കേട്ടിട്ടില്ലേ ...അതാണു പിന്നീട് സംഭവിച്ചത്..അതാ,,കുളക്കരയില്‍ നിന്നൊരു ശബ്ദം! ഞാന്‍ തിരിഞ്ഞു നോക്കി.. ദേ....നില്‍ക്കുന്നൊരു കീരി!!!കീരിമാത്രമല്ല..കീരിപ്പീക്കിരികളുമുണ്ട്..
കീരിപ്പടങ്ങള്‍ നിറഞ്ഞ ഒരു കീരിപ്പോസ്റ്റിന്‍റെ സ്വപ്നത്തില്‍ മതിമറന്ന് ഒരു നിമിഷം ഞാനെല്ലാം മറന്നു,,കുഞ്ഞുകീരികള്‍ തലപൊക്കി എഴുന്നേറ്റുനിന്ന് എന്നെത്തന്നെ നോക്കുന്നു,,പിന്നെ നിന്നില്ല നിക്കിം മക്കളേ,,പോകല്ലിം ..ന്നും പറഞ്ഞു കേമറ എടുക്കാന്‍ ഓടി..( ഞങ്ങളോട് നിക്കാന്‍ പറഞ്ഞിട്ട് ഈ ഉമ്മ എങ്ങോട്ടോടുന്നു എന്ന മട്ടില്‍ മക്കളെന്നെ തുറിച്ചു നോക്കി..)
ആ ഓട്ടത്തില്‍ തന്നെ എന്റെ കാലില്‍ ചുറ്റിയ പോസ്റ്റ് അഴിഞ്ഞു വീണത് ഞാന്‍ കണ്ടില്ലെങ്കിലും ബ്ലോഗിമോന്‍ കണ്ടിരുന്നു..
മടങ്ങി വന്നപ്പോള്‍ കീരി നിന്നിടത്ത് ആരുമില്ലായിരുന്നു..
,പിറകെ വന്ന ബ്ലോഗിമോന്‍ അകത്തേക്ക് നോക്കി പറയുന്നത് കേട്ടു.'".ഒന്നുമില്ല കാക്കാ..ഉമ്മാക്കൊരു പോസ്റ്റ് നഷ്ട്ടപ്പെട്ടതാ.."'
ഇനിയിപ്പോ അകത്തോട്ടേതായാലും കേറാന്‍ വയ്യ... കാലും വെള്ളത്തിലിട്ട് പരല്‍ മീനുകളെയും നോക്കി കുളപ്പടവില്‍ തന്നെയിരുന്നു.
ഒരു 'പോസ്റ്റ് തേടുന്ന ബ്ലോഗറായി' ഞാനും മാറിക്കൊണ്ടിരിക്കുകയാണ് .എന്ന കുപ്പായമിടാത്ത സത്യം എന്നെ അക്ഷരാര്‍ത്ഥത്തില്‍ നടുക്കിക്കളഞ്ഞു!
പ്രവാസം തുടങ്ങിയിടത്തുതന്നെ ഒടുക്കണ്ടായിരുന്നു...നീണ്ട പതിനേഴു വര്‍ഷം ഒരൊറ്റപ്പോസ്റ്റില്‍ ഒടുക്കിക്കളഞ്ഞ നീയൊരു വിഡ്ഢിക്കൂശ്മാണ്ടി തന്നെ.. ഞാന്‍ എന്നെത്തന്നെ കുറ്റപ്പെടുത്തി..
കുളത്തിനു മുകളിലൂടെ പോകുന്ന കമ്പികളിലും വരിതെറ്റാതെ സ്ഥാപിച്ച ഇരുമ്പിന്‍റെ വമ്പന്‍ പോസ്റ്റുകളിലും നോട്ടമുറപ്പിച്ച്,, ആ നടുക്കം സൃഷ്ടിച്ച വൈക്ലബ്യം മാറ്റാന്‍ ഞാന്‍ ആവത് ശ്രമിച്ചു..
( (തൊടി നിറയെ പോസ്റ്റുകളാണ്,,അടുത്ത കാലത്താണ് ഞങ്ങളുടെ വീട്ടു വളപ്പിലൂടെ 33-kvലൈന്‍ കൊണ്ട് പോയത്..ഒരു പാട് മരങ്ങളും തെങ്ങുകളും ഇക്കാരണത്താല്‍ മുറിച്ചു നീക്കി,,
അതിന്‍റെ ഏകദേശം ചുവട്ടിലായിട്ടാണ് ഇപ്പോള്‍ കുളത്തിന്റെ സ്ഥാനം...)
"എന്നെ കുറിച്ചെഴുതിക്കൂടെ.. "? ഞാന്‍ ഞെട്ടി.. നാലുപാടും നോക്കി..,കീരി തിരിച്ചു വന്നതാണോ...,അതോ ഇനി കീരിയോടൊപ്പം വന്ന മറ്റു വല്ലവനും..!!എന്‍റള്ളോ...,ഞാനറിയാതെ എഴുന്നേറ്റുപോയി...!അതു വരെ ഒരനക്കവുമില്ലാതിരുന്ന വെള്ളത്തിനൊരു ഇളക്കം ..
അതെന്‍റെ കാലില്‍ തൊട്ടുവിളിക്കുന്നോ,,ഏയ്..പരല്‍ മീനാകും,,!!ഒറ്റ പരല്‍ മീനിനെയും കാണാനില്ലല്ലോ...ഇവറ്റകളൊക്കെ എവിടെപ്പോയീന്നു അമ്പരന്നപ്പോള്‍ കുളം വെള്ളം തെറിപ്പിച്ച് വീണ്ടും തൊട്ടുവിളിക്കുന്നു...
ഞാന്‍ കാതോര്‍ത്ത്‌ വെള്ളത്തിലേക്ക് തുറിച്ചുനോക്കി..അതുവരെ വെള്ളത്തില്‍ നിശ്ചലമായി കണ്ടിരുന്ന തെങ്ങും കവുങ്ങുമെല്ലാം മെല്ലെ മെല്ലെ നൃത്തം ചവിട്ടിത്തുടങ്ങിയിരുന്നു...
"ഈ പോസ്റ്റുകള്‍ക്കും കമ്പികള്‍ക്കും താഴെ വീര്‍പ്പുമുട്ടുന്ന എന്നെ ക്കുറിച്ചായിക്കൂടെ..നിങ്ങളുടെ അടുത്ത പോസ്റ്റ്? " "എന്നെ മറന്ന നിങ്ങളെക്കുറിച്ച്,, നിങ്ങളുടെ കുട്ടികളെക്കുറിച്ച്, ഒക്കെ എഴുതാമല്ലോ.".
കുളം പറയാന്‍ തുടങ്ങി.........................................
കുളത്തിനു മുണ്ടാട്ടം മുട്ടിയില്ലെങ്കില്‍ തുടരും...!
പോസ്റ്റ് കുളമായെങ്കില്‍ സാദരം ക്ഷമിക്കുക,,
Comments
ഈ കുളം നിങ്ങളെ കാണിക്കാന്‍ ഞാന്‍ വേറെ വഴിയൊന്നും കണ്ടില്ല!
എന്നെക്കൊണ്ട് ഇതൊക്കെയെ പറ്റൂ..
ഞാനും ഇവിടെ ജീവിച്ചു പൊയ്ക്കോട്ടേ..
സംഭവം ഇഷ്ടപ്പെട്ടു.
ബ്ലോഗ്ഗില്‍ വന്നൊരു പോസ്റ്റ് വായിക്കുന്ന പോലെയല്ല..നേരിട്ട് സംസാരിക്കുന്ന പോലെയുള്ള ഈ ശൈലി ആരെയും പിടിച്ചിരുത്തും.
ആ കുളത്തില്‍ ഒന്ന് മുങ്ങി കുളിക്കാന്‍ തോന്നുന്നത് കുളത്തിന്റെ ഭംഗി കൊണ്ട് മാത്രമല്ല, എഴുത്തിന്‍റെ ലാളിത്യം കൊണ്ടുമാണ്.
തുടരണം.
സംഗതി അസ്സലായിട്ടോ..
ആരെയും കൊട്ടിയതൊന്നുമല്ല,,ഒരു രസത്തിന് മാത്രം..
ഇഷ്ട്ടപ്പെട്ടതില്‍ വളരെ സന്തോഷം,,
കാര്‍ന്നോരെ..ആക്കിക്കളഞ്ഞല്ലോ..
ചെറുവാടി സാറേ..ഈ നല്ല പ്രോല്‍സാഹനം ഒരിക്കലും മറക്കില്ല..
പ്രവാസിനീ ....വായിച്ചു പെട്ടെന്ന് തീര്‍ന്നു പോയി ...കണ്ണില്‍ കാണുന്ന തിനെ കുറിച്ചെല്ലാം എഴുതന്നെ ....ഞങ്ങള്‍ വായിച്ചു രസിച്ചോളാം :)
നാട്ടിലും വീട്ടിലും കാണുന്ന സകലതും പോസ്ടാക്കി... :-s
ഇനി ഞാന്‍ പുതിയത് എന്താ ഒന്ന് കണ്ടു പിടിക്കുക??
ഇത്ര രസത്തിലെഴുതുന്നത് എനിക്കത്ര വശമില്ല.....:(
നന്നായി എഴുതി...
ആ കുളത്തിന്റെ ഭംഗി അത് വായിച്ചു കഴിഞ്ഞപ്പോള്‍ കൂടി എന്ന് തോന്നി...
ആട്ടെ.. നീന്തലറിയാമല്ലോ അല്ലെ?? ;)
പുതിയ പോസ്റ്റ്...വിഷയ ദാരിദ്രം ഒരു വിഷയമല്ലാത്ത ആളാണ് പ്രവാസിനീന്നു ഞങ്ങള്‍ക്കെല്ലാം അറിയാം..ആ കൈ കൊണ്ട് എന്തെഴുതിയാലും അതിനു ഒരു കോഴിക്കോടന്‍ രുചിയുണ്ട്..ഈ പോസ്റ്റ് ഒരുപാട് കൊതിപ്പിച്ചു..ആ കുളവും അതിലെ പരല്‍മീനുകളും ഒരിക്കലും മറക്കാനാവാത്ത വിധം എഴുത്തിനും, ഫോട്ടോയ്ക്കും സ്വാധീനം ചെലുത്താന്‍ കഴിഞ്ഞു..പിന്നെ ഇത് വായിച്ചു എന്റെ മൂഡോഫും മാറി..കുളം അരുള്‍ ചെയ്തത് പോലെ മക്കളെ കുറിച്ചും,ഉമ്മയെ കുറിച്ചും ഒക്കെ പോസ്റ്റുകള്‍ വരട്ടെ...നന്മകള്‍ നേര്‍ന്നു കൊണ്ട്,ജസമികകുട്ടി.
വന്നോളൂ..കുട്ട്യാളീം ചട്ട്യാളീം ഒക്കെ കൂട്ടീട്ട്.
അതെ റോസാപൂവേ..എന്നെപോലുള്ളവര്‍ക്ക് ഇതൊരു കഷ്ടപ്പാടുതന്നെ..
അരൂര്‍ സാറേ..ആ പിണ്ണാക് കച്ചോടക്കാരനെ കണ്ടില്ലല്ലോ..ലാപ്പ്ടോപോക്കെ സ്വന്തമായുള്ള..,
നിങ്ങളറിയില്ലേ.., ഈ വഴിക്കൊന്നും പിന്നെ വന്നു കണ്ടില്ല.
പദസ്വനം..എനിക്ക് നീന്താനറിയില്ല!!
കുളം ഇഷ്ടപ്പെട്ടതില്‍ സന്തോഷം.
ജാസ്മിക്കുട്ടീ...എന്തായാലും മൂഡോഫ് മാറിയല്ലോ,സന്തോഷായി. ഇനി മൂഡ്‌ പോകുമ്പോള്‍ ഇങ്ങോട്ട് വാ,,ഒന്ന് നീന്തിക്കേറിയാല്‍ ഒക്കെ ശെരിയാകും..
ഈ സ്വയം സോറിയുടെ പൊരുള്‍ മനസ്സിലായില്ലല്ലോ..
അഥിതികള്‍ക്ക് സ്വാഗതം!!
വന്നതിനു നന്ദിയും..
ധൈര്യമായിട്ട് പോസ്റ്റിക്കോ..
ചിലപ്പോള്‍ കുളത്തിനു വല്ല ടൈറ്റാനിക്കിന്റെയും കഥയും പറയാനുണ്ടെങ്കിലോ?
അത് കേള്‍ക്കാന്‍ കാത്തിരിക്കുന്നു........
ചാണ്ടിക്കുഞ്ഞേ,,
കുളത്തിനു പലതു പറയാനുണ്ടാകും,
അതെനിക്കെങ്ങനെ അറിയാനാ..
പുളു അടിച്ചത് കാര്യമാണെന്ന് കരുതി കാത്തിരിക്കുന്നു,മണ്ടന്‍മാര്‍,(തമാശയാണേ..)
സത്യത്തില്‍ കുളം പറയാന്‍ തുടങ്ങുന്നത് എന്തായിരിക്കും,ആലോസിച്ചുണ്ടാക്കട്ടെ.!!!
പിന്നെ കുളത്തിന്റെ ഒരു ചിത്രം മാത്രമായത് എനിക്ക് തീരെ ഇഷ്ട്ടപ്പെട്ടില്ല ..ഒരു രണ്ടോ മൂന്നോ ചിത്രങ്ങള്‍ ആവാമായിരുന്നു.{ഇനി എടുത്തിട്ടുണ്ടെങ്കില്‍ എനിക്ക് മെയില്‍ അയച്ചാലും മതി}...
നന്ദി ഫയിസൂ..ഈ നല്ല അഭിപ്രായങ്ങള്‍ക്ക്,
കുളത്തിന്റെ ഫോട്ടോ കിട്ടിയിട്ട് വേണം എനിക്ക് പാര വെച്ച് പോസ്റ്റിടാന്‍ അല്ലെ മോനേ..ദിനേശാ..
കളി ഞമ്മളോട് വേണ്ട,
(ഫോട്ടോകള്‍ വരുന്നേയുള്ളല്ലോ ..കുളം പറഞ്ഞു തുടങ്ങിയാല്‍ പിന്നെ കുളം തന്നെയല്ലേ താരം!ക്ഷമി മോനേ..ക്ഷമി.
"അസ്സ്വബ്റു മിഫ്ത്താഹുല്‍ ജെന്ന"
ന്നു,,മുത്ത്‌ റസൂല്‍ പറഞ്ഞത് ഇയ്യ് പഠിച്ചിട്ടില്ലേ,,
("ക്ഷമ സ്വര്‍ഗത്തിന്‍റെ താക്കോലാണ്")
ഓടി രക്ഷപ്പെട്ടത്...അല്ലങ്കില്‍ കീരി ഫാമിലിയെ കുറിച്ച് പോസ്റ്റെഴുതി അയിറ്റീങ്ങളെ കൊല്ലാകൊല ചെയ്യില്ലേ...?
പിന്നെ പോസ്റ്റ് മനോഹരം....എല്ലാം നേരില്‍ കാണുന്ന ഒരു ഫീലിങ്ങുണ്ടായിരുന്നു...
ആ കുളപ്പടവ് കണ്ടപ്പോ സിദ്ധീഖ് ഭായിടെ "സൂക്ഷിക്കണേ വഴുക്കും" എന്ന പോസ്റ്റാ ഓര്‍മ്മയിലോടിയെത്തിയത്...
അപ്പോള്‍ നിങ്ങളും ഒരു പോസ്റ്റ് തേടുന്ന ബ്ലോഗര്‍ ആണ് അല്ലെ.. ഇതാണ് പറയുന്നത് വന്ന വഴി മറക്കരുത് എന്ന് .... ( ഞാന്‍ രക്ഷപ്പെട്ടു... അത് ഇവിടെ ചാര്‍ത്തി തന്നു . ആളുകള്‍ എന്നെ തന്നെ തെറ്റിദ്ധരിച്ചിരിക്കുവായിരുന്നു )
"കളിവള്ളം ...കെട്ടിയിട്ട കുളക്കടവില്‍ ഞാന്‍ ....(പാട്ട് അല്ല )
ആ കുളം കണ്ടപ്പോള്‍ എന്റെ വീട്ടിനടുത്തെ കുളം ഓര്മ വന്നു ..
ഏതായാലും കുളം കഥ പറയട്ടെ ..കുളത്ത്തിനാവുമ്പോ ഒരുപാട് നഗ്ന സത്യങ്ങള്‍ പറയാനുണ്ടാകും ...
അവതരണം നന്നായിട്ടുണ്ട് ..
പ്രവാസിനി തിരിഞ്ഞു നോക്കി, കുളത്തിന്റെ കരയില്‍ കീരി.
പ്രവാസിനി ക്യാമറയ്ക്കായി ഓടുന്നു, കീരികള്‍ അന്തം വിടുന്നു.
കീരികള്‍ അന്തം വിടുന്നു,പ്രവാസിനി ക്യാമറയ്ക്കായി ഓടുന്നു.
കീരി, പ്രവാസിനി. പ്രാവാസിനി, കീരി....
അങ്ങനെ സംഭവ ബഹുലമായ ഓട്ടത്തിന് ശേഷം എക്സ് മിലിട്ടറി കുളത്തിലേയ്ക്ക് മറിഞ്ഞു വീഴുകയാണ് സുഹൃത്തുക്കളെ, മറിഞ്ഞു വീഴുകയാണ്...
കുളത്തിലേയ്ക്ക് മറിഞ്ഞ കിനാവുകള്‍ - നോവല്‍ ബൈ മിലിട്ടറി
സാരമില്ല ടാബ്ലെറ്റ് കഴിച്ചാല്‍ മാറാവുന്നതേ ഉള്ളൂ.
എന്താ എന്താ, ഹേയ് ഒന്നുമില്ലാ ഉമ്മാക്ക് ഒരു പോസ്റ്റ് നഷ്ടപ്പെട്ടതാ.
ഹഹഹ ഹഹ കൊട് കൈ.. എല്ലാര്ക്കും പറ്റണതല്ല ചിരിപ്പിക്കാന്‍.
മിലിട്ടറിക്ക് അതിനുള്ള നല്ല കഴിവുണ്ടെന്ന് മനസ്സിലായി. കീപ്‌ ഇറ്റ്‌ അപ്പ്‌.
എന്നാലും എക്സ്-മിലിട്ടറിയേ രസിപ്പിച്ചുട്ടോ . നല്ല ഹ്യൂമര്‍ sense .
എച്ചൂസ് മി, ഇതു കോളേജിലാ പഠിച്ചത്??
എന്തു പോസ്റ്റും? എങ്ങനെ പോസ്റ്റും എന്നറിയാതെ ഞാനൊരു ചില്ലറ പരദൂഷണം പോസ്റ്റിയിട്ടുണ്ട്. അങ്ങോട്ടൊന്നു വരിന്‍
വായിച്ചു തീര്‍ന്നതറിഞ്ഞില്ല..
തൂണിലും തുരുമ്പിലും പോസ്റ്റുകള്‍ കണ്ടെത്തുന്ന പ്രവാസിനിക്ക് അഭിനന്ദനങ്ങള്‍
അഭിപ്രായങ്ങള്‍ക്ക് നന്ദി,,
#ഹംസ ഭായ്‌,,വായിച്ചിട്ടില്ല എന്നെനിക്കുറപ്പായി..ട്ടോ.
അതുകൊണ്ടാണല്ലോ എന്റെ മുഖത്തു നോക്കി "ഈ വയസ്സാന്‍ കാലത്ത്‌" എന്നൊക്കെ പറയുന്നത്.
സത്യം പറയാലോ എഴുതിക്കഴിഞ്ഞിട്ടാ പോസ്റ്റുതേടുന്ന ബ്ലോഗര്‍ എന്റെ മനസ്സിലേക്ക് വന്നത് കേട്ടോ..പോസ്റ്റ് രസിപ്പിച്ചെന്നറിഞ്ഞതില്‍ സന്തോഷം.
#നൌഷാദ് വീടിനടുത്തുള്ള കുളത്തെ കുറിച്ച് പോസ്ടിട്ടോളൂ..
അതിനും പറയാനുണ്ടാകും കുറെ ആ പറഞ്ഞ സത്യങ്ങള്‍.എന്റെ കുളം പറയാനിരിക്കുന്ന നഗ്നസത്യങ്ങളെകുറിച്ച് ആലോചിച്ചിട്ടു ഒരന്തോം കിട്ടുന്നില്ല.എന്താപ്പിനി ചെയ്യാ..
#ങേ..ഇതെപ്പഴെത്തി???(എത്തിയതൊക്കെ ഞാനറിഞ്ഞിരുന്നു,,)
പതിനെട്ടാം പടി കേരീല്ലാന്നു തോന്നുന്നു,പഴയ സ്വഭാവത്തില്‍ ഒരു മാറ്റവും കാണുന്നില്ലല്ലോ.
"കുളത്തില്‍ മറഞ്ഞ കിനാവുകള്‍"എന്ന പേരില്‍ എന്റെ മക്കളാവും അതെഴുതുന്നത്,
"കോളെജിലോ..ഞാനോ..,???എവടെ,,!!
എച്ചൂസ്മീ..ഒരു കാര്യം പറയാന്‍ മറന്നു,
വന്നതിനും പ്രോത്സാഹിപ്പിച്ചതിനും നന്ദി..
#സ്വപ്നസഖീ,,ഞെട്ടിച്ചെന്നോ,,സന്തോഷം,
പരദൂഷണം ഒന്ന് പോയി നോക്കട്ടെ.
#മെയ്‌ ഫ്ലവര്‍..എന്തെ വരാത്തതെന്നു ആധിയോടെ ഇരിക്കുകയായിരുന്നു.
അപ്പോഴതാ പുല്ലും,, ആയുധോം,,തൂണും,,തുരുമ്പും ഒക്കെയായി വന്നു എന്നെ പുകഴ്ത്തികൊല്ലുന്നല്ലോ..
സന്തോഷം!മെയ്‌ഫ്ലവര്‍..
#ഹയ്നക്കുട്ടീ..വല്ല്യുമ്മാനെ വല്ല്യ ഇഷ്ട്ടായിരുന്നുല്ലേ,,എല്ലാര്ക്കും അങ്ങനെത്തന്നെ കുട്ടീ..ഖോജാത്തി സുരുമയുടെ മണം കേട്ടാല്‍ ഞാനെന്‍റെ വല്ല്യുമ്മാന്‍റെ സാമീപ്യം അടുത്തറിയാറുണ്ട്..ഒരു പോസ്റ്റില്‍ ഞാനതിനെ കുറിച്ച് എഴുതിയിട്ടുമുണ്ട്.
ഈ ബ്ലോഗ് കുളമായി.
ഒരു കാര്യം ചെയ്യൂ..തെങ്ങുകയറ്റക്കാരുടെ അരയിലെ വെട്ടുകത്തിപോലെ, ഒരു കേമറ രാപ്പകല്‍ അരയില്‍ തൂക്കിയിടൂ.പിന്നെ കീരിയല്ല കീരിക്കാടനെ വരെ ഫ്രെയിമിലാക്കാം..
കുള ചരിതത്തിനു കാതോര്‍ക്കുന്നു..
njan oru pad vaikippoyi...alle
അഭിപ്രായത്തിന് നന്ദി..
അസീസ്‌ ഭായ്‌,,വളരെ നന്ദിയുണ്ട്..
വായാടീ,,എവിടെയായിരുന്നു,,തോന്നുന്നതൊക്കെത്തന്നെയാവും ഇനിയും എഴുതുക.വരണം,
തെച്ചിക്കോടന്‍,,
എളയോടെന്‍,,
അരീക്കോടന്‍...എല്ലാ ടെന്‍,,മാര്‍ക്കും വന്നതിനു നന്ദി പറയുന്നു, ഇനിയും വരണം,,
ഹഫീസ്,,കാഡ്,,സിയ,,കാന്താരീ,,നിസാര്‍,,ജുവൈരിയ,,എല്ലാവര്ക്കും വളരെ വളരെ നന്ദി..
കുറെ സ്റ്റോക്കുണ്ടായിരുന്നു.
സൂക്ഷിച്ചുവെച്ചാല്‍ ഉപയോഗശൂന്യമാകുന്ന സാധനമല്ലേന്നു കരുതി!!
കഥ പറയുന്നതിലെ ഈ ശൈലിയുണ്ടല്ലോ മുന്‍ പ്രവാസിനീ ....
ബ്ലോഗ്ഗില്‍ വന്നൊരു പോസ്റ്റ് വായിക്കുന്ന പോലെയല്ല..നേരിട്ട് സംസാരിക്കുന്ന പോലെയുള്ള ഈ ശൈലി ആരെയും പിടിച്ചിരുത്തും.
ആ കുളത്തില്‍ ഒന്ന് മുങ്ങി കുളിക്കാന്‍ തോന്നുന്നത് കുളത്തിന്റെ ഭംഗി കൊണ്ട് മാത്രമല്ല, എഴുത്തിന്‍റെ ലാളിത്യം കൊണ്ടുമാണ്.
തുടരണം.<<<<<<
agree with ചെറുവാടി...:)
best wishes from,
noushad vadakkel , sheeja noushad Erfan habeeb and Emran habeeb...
പോസ്റ്റുകള്‍ സംസാരിക്കുന്നുണ്ട് വീണ്ടും വരാം
കുടുംബത്തോടെയാണല്ലോ വന്നിരിക്കുന്നത്,,സന്തോഷം,
ഒരു ഇര്‍ഫാന്‍ ഇവിടെയുമുണ്ട്.
സാബീ,,കുളം കുളമാകാതെ ശ്രമിക്കാം..
ജിഷാദ്,,കടം വാങ്ങിയാല്‍ പിന്നെ കുടുങ്ങും,
കിട്ടൂന്നൊരുറപ്പുമില്ല..
അബിത്‌,,പൊടിമീന്‍ മാത്രമല്ല..വലിയൊരു ചെറാന്‍ മീനുണ്ട്.(ഇവിടെ പറയുന്ന പേരാണ്.)
ഗൂഗിള്‍ ഇന്‍ഡിക് ഉപയോഗിച്ചാണ് എഴുതാറു. അത് ഒരെണ്തിലായിരുന്നു ഇന്സ്ടാല്‍ ചെയ്തിരുന്നത് . അതാണ് പണിമുടക്കിയതും .ഇവിടെ കമന്റ്‌ എഴുതാന്‍ മലയാളം അപ്പോള്‍ സാദ്ധ്യമാകാതിരുന്നത് കൊണ്ടാണ് എന്റെ അതെ അഭിപ്രായം ചെറുവാടി മുന്‍പേ തന്നെ പ്രകടിപ്പിച്ചത് ..
ഐക്കരപ്പടി താങ്കളുടെ ബ്ലോഗില് കമന്റ്‌ കല്‍ വായിച്ചിട്ടുണ്ട് ...
ബ്ലോഗില് ആദ്യമായി വന്നതാണ് കേട്ടോ . ഇര്‍ഫാന്റെ ബ്ലോഗ് കണ്ടു ...നിലാവേ മായുമോ എന്ന പാട്ട് ഒരു അഞ്ചു പ്രാവശ്യം കേട്ട് .
എനിക്ക് വളരെ ഇഷ്ടപ്പെട്ടതും വീട്ടില്‍ ധാരാളം കേട്ടതുമായ ഒരു പാട്ടാണ് അത് ...
ബ്ലോഗില് അല്‍പ്പം മിനുക്കു പണികള്‍ ആവശ്യമെന്കില്‍ ഇര്‍ഫാന്റെ ബ്ലോഗ് ദാ ഇങ്ങോട്ട് അയക്കുമല്ലോ
Once I read it, I see that the post itself is equally dazzling. I feel a Basheerian touch in your blog tongue. Might it be that Basheer influenced you so much?
Though Vikom Muhamed Bsheer is the real writer I admire most in Malayalam, and one whom I would love to imitate, I know it's a far too distant dream.
Eager to read you more.
അപ്പോഴാണ് എനിക്കും ആ ഉള്‍വിളിയുണ്ടായത്. ചെലപ്പം അതായിരിക്കും പ്രശ്നം!!
നമിച്ചിരിക്കുന്നു, ഞാന്‍ കരുതി വായാടി മാത്രേ ഉള്ളൂ വായുവില്‍ നിന്നു പൊലും പോസ്റ്റുകള്‍ സൃഷ്ടിക്കുന്ന ആളെന്ന്!! (തുണിയുടുക്കാത്ത സത്യം പറഞ്ഞതിന് പിണങ്ങരുത് രണ്ടാളും!)
എന്നാലും കുറച്ചൊക്കെ തിരിഞ്ഞ സ്ഥിതിക്ക് നന്ദി,
ഞങ്ങളുടെ കുളത്തിനു പറയാനുള്ളത്‌ ഞാനെന്തായാലും പറയും.ലേശമൊരു സമയക്കുറവുണ്ടേയ്..
കഴിയുമെങ്കില്‍ മലയാളത്തില്‍ എഴുതാന്‍ താല്പര്യം..
കണ്ടില്ലല്ലോ..
അതെ നിശാസുരഭി ഈ വായൂന്നെടുക്കുന്ന തുണിയുടുക്കാത്ത സത്യങ്ങളാ എന്നെപ്പോലുള്ളവര്‍ക്ക് ആകെയുള്ള മുതല്‍ !!
ഈ സത്യങ്ങളെങ്ങാന്‍ തുണിയുടുത്താല്‍,,,കഴിഞ്ഞു കഥ!!!
പിന്നെയെഴുതെണ്ടത് നഗ്നസത്യങ്ങളായിരിക്കും !!
അത്രക്കുള്ള കഴിവൊന്നുമില്ലേയ്‌,,,
പോസ്റ്റ് വായിച്ചപ്പോള്‍ അതും അത്ര തന്നെ മനോഹരം. ഒരു വൈക്കം മുഹമ്മദ്‌ ബഷീറിയന്‍ നര്‍മം ഈ ബ്ലോഗെഴുത്ത് കാരിയിലുന്ടെന്നു കാണുന്നു. ഒരു പക്ഷെ ബഷീറിന്റെ എഴുത്ത് ശൈലിയുടെ ശീലുകള്‍ സ്വധീനിച്ചതാകാം.
എന്നാലും, ഒരു കഴിവ് തന്നെ വേണം അതിന്. എന്റെ favorite writer ബേപൂര്‍ സുല്‍ത്താന്‍ ആണ്. പക്ഷെ ഒരു വരി ആ ശൈലിയില്‍ എഴുതാന്‍ എനിക്കാവില്ല.
ഇയാളെ കൂടുതല്‍ വായിക്കാന്‍, കൌതുകത്തോടെ.
വീട്ടിലെ ചെടിയെല്ലാം പോയെന്നു വായിച്ചു .സാരമില്ല ,അതൊക്കെ ഒന്ന് കൂടി നോക്കിയാല്‍ എളുപ്പം വളര്‍ന്നു വരും ട്ടോ ..
എന്താ ....പ്രാവാസിനിയുടെ ബ്ലോഗിലേക്ക് വെച്ചുപിടിക്കാന്‍ ..
എന്തിനാ .....കുളം കാണാന് ...
കുണ്ടാ മണ്ടിയും കൊയമാന്തരവുമായി ആളുകളെ രസിപ്പിക്കുന്ന ടീച്ചറുടെ ബ്ലോഗ് ...
ആശയും നിരാശയും സമ്മാനിക്കാത്ത മറു കമന്റിന്റെ ആശാത്തി ..ഒടുവില്‍ അവിടെ ചെന്നു
പ്രൊഫൈലില്‍ തനി മലപ്പുറത്തിന്റെ ആയിഷാ ജമാല്‍ പോലെയുള്ള ആ ഭാഷ ..ഫോട്ടോയില്‍
സായിപ്പിന്റെ കുട്ടികളെയും വെച്ച ആളെ പറ്റിച്ചു അങ്ങനെ ചിരിക്കുന്നു....നാടന്‍ കിളവി ബാഷയരിയാത്ത ഈ ബ്ലോഗ് ചുറ്റിയോടു കമന്റിടാന്...അവസാനം ബ്ലോഗിന്റെ ആദ്യ പാഠം പഠിപ്പിച്ച പെങ്ങളെ പറഞ്ഞ് ഒരു കമന്ടങ്ങോട്ടലക്കി ..ഇത്താത്ത ...ഫ്ലാറ്റ് ...
അവസാനം എന്റെ ബ്ലോഗിലോട്ട് ക്ഷണിച്ചു കൊണ്ട് പൊട്ടി ചിരിച്ചു കൊണ്ട് മടങ്ങി
സഫരോമ്കി സിന്ദകീ ഖബീ നഹീ ഹോ ജാതീഹെ ..
(ഈ ബ്ലോഗില് വന്നാലും വന്നില്ലെങ്ങിലും ജീവിതം സ്വാഹ ......)
അങ്ങിനെയാണ് ഞാന്‍ വായിച്ചത്.
അപ്പോള്‍ കുളത്തോളം തന്നെ കിടിലന്‍ പോസ്റ്റ്. വൈക്കം മുഹമ്മദ്‌ ബഷീരീയാന്‍ ഹാസ്യം അനുഗ്രഹിച്ചിരിക്കുന്നു. അതൊരു ചില്ലറ അനുഗ്രഹമല്ല. എന്താ ബഷീര്‍ കൃതികളുടെ സ്വാധീനമാണോ?
സിയാ..ഞാനിവിടെയില്ലാത്ത നേരത്ത് വന്നു കുളത്തില്‍ കാളിട്ടിരുന്നു തണുപ്പോക്കെ കൊണ്ട് പോയില്ലേ..
ആളു കൊള്ളാമല്ലോ..ഇനിയും വരണം..
അല്ല ...എന്തെപ്പോ ണ്ടായെ,,?
പറഞ്ഞതിന്‍റെ പൊരുള്‍ ശെരിക്കങ്ങു തിരിഞ്ഞില്ല.
നിലാവത്തെ വെളിപാടില്‍ എഴുതിയത് കൊണ്ടാണോ..
വരികള്‍ക്കുള്ളില്‍ എന്തോ ഒളിപ്പിച്ചു വെച്ചിട്ടുണ്ടോ,,
അതോ എന്റെ ശൈലി നൌഷാദും പഠിച്ചോ!!
പാട്ട് എപ്പോഴും കൂടെയുണ്ട് ലേ..
മലയാളത്തില്‍ വന്നതിനു സന്തോഷം.
കുളം ഇഷ്ട്ടപ്പെട്ടു,,പോസ്റ്റിലെത്തി അഭിപ്രായങ്ങള്‍ പറഞ്ഞതിനും നന്ദി..
വളരെ ചെറുപ്പത്തിലെ കഥകള്‍ വായിക്കാന്‍ തുടങ്ങിയതുകൊണ്ടാകാം സ്കൂളില്‍ അറബിയാണെടുത്തതെങ്കിലും മലയാളം കൈകാര്യം ചെയ്യാന്‍ പഠിച്ചു.
ബഷീറിന്റെ കഥകള്‍ കുറെ വായിച്ചിട്ടുണ്ടെങ്കിലും
കമലാസുരയ്യയുടെ ആളാണ് ഞാന്‍.
ബഷീരിനോടൊക്കെ എന്നെ ഉപമിച്ചത്കണ്ടു എനിക്ക് നാണക്കേട്‌ തോന്നുന്നു.
അതിനുമാത്രമൊന്നുമുള്ള കഴിവ് എനിക്കീ ജന്മത്തില്‍ ഉണ്ടാകുമെന്ന് തോന്നുന്നില്ല.
ithil ellaam und teachere olippichaalum illenkilum teacharkkathu manassilaakaan kazhiyumennu karutatte .....
സഫരോമ്കി സിന്ദകീ ഖബീ നഹീ ഹോ ജാതീഹെ
ഫോട്ടോയില്‍ സായിപ്പിന്റെ കുട്ടികളെയും വെച്ച ആളെ പറ്റിച്ചു അങ്ങനെ ചിരിക്കുന്നു....
അതോ എന്റെ ശൈലി നൌഷാദും പഠിച്ചോ!!???????????
A) HAHAHAHAHAH........AAYISHA JAMAALE(?)...
THAMAASHAYAANU KETTO...
പോസ്റ്റ് ‘കുള’മായിട്ടില്ല:)
ഞാന്‍ ഈയിടെയാണ് ബ്ലോഗുഗല്‍ കാര്യമായി വായിക്കാന്‍ തുടങ്ങിയത്. നിങ്ങളുടെ ബ്ലോഗ് കണ്ടത് ഇന്ന് രാവിലെ, എവിടെയോ കയറിയപ്പോള്‍ കാലില്‍ കുടുങ്ങി എത്തിപ്പെട്ടതാണ്. വൈകിപ്പോയി ക്ഷമിക്കുക. എല്ലാം വായിച്ചപ്പോള്‍ ഒരു നോസ്ടാല്ജിക് ഫീലിന്ഗ്. വളരെ നന്ദിയുണ്ട്. പലരും പറഞ്ഞത് പോലെ നേരില്‍ സംസാരിക്കുന്ന ഒരനുഭവം. നിങ്ങളെ ഞാന്‍ അറിയില്ല, പക്ഷെ നിങ്ങളുടെ പ്രവാസ രജന വായിച്ചപ്പോള്‍ ഞാന്‍ അറിയുമെന്ന് തോന്നുന്നു. നിങ്ങളുടെ പുയാപ്ലന്റെ പേരെന്താണ്. ഞാനും 24 കൊല്ലമായി ജിദ്ദയിലും പരിസരങ്ങളിലും ഒക്കെ തന്നെ ഉണ്ട്. മടിയാണെങ്കില്‍ അറിയിക്കനമെന്നില്ല. എന്റെ ഇമെയില്‍: shakirthurakkal@gmail.com
പിന്നെ പേര് വെക്കാതെയുള്ള ഈ എഴുത്ത് ചമ്മല്‍ കൊണ്ടാണ്.
എഴുതാനുള്ള പണ്ട് മുതലേയുള്ള ആഗ്രഹം ഇവിടെ കൊണ്ടെത്തിച്ചു.അതിനുള്ള കഴിവുണ്ടോ എന്ന് ഇപ്പോഴും ബോധ്യമായിട്ടില്ല,
വായനക്കാരുടെ പ്രോല്‍സാഹനം മുന്നോട്ടു നയിക്കുന്നു.
താങ്കള്‍ മഞ്ചേരിയാണോ..തുറക്കല്‍ എന്ന് കണ്ടു ചോതിച്ചതാണ്.
കുളം പോസ്റ്റും കണ്ടു,,പോസ്റ്റ് കുളത്തെയും കണ്ടു..
കുളം ഭാഗം-5 ആയി,,
വേഗം വായിക്കാന്‍ തുടങ്ങിയാലല്ലേ തീരൂ,,
വന്നതില്‍ വലിയ സന്തോഷമുണ്ട്..
അഭിപ്രായങ്ങള്‍ അറിയിക്കുമെന്ന് തന്നെ കരുതുന്നു,,
ഭാഗ്യം മുതല കുങ്ങുങ്ങളെ കാണാതെ പോയത്
എന്ടയാലും നല്ല ഉഷാറായി വരുന്നുണ്ട്‌ .അടുത്ത എപിസോടിനായി കാത്തിരിക്കുന്നു..........പ്രാര്‍ഥിക്കുന്നു ,
എഴുത്തിഷ്ടപ്പെട്ടാല്‍ മുന്നും പിന്നും നോക്കാതെ അഭിപ്രായിക്കുന്നത് ശീലമായി.അത് കൊണ്ട് പറയട്ടെ.മുഖസ്തുതിയല്ല കേട്ടോ.പടച്ചോനാണേ ബഹുത്തിഷ്ടായിരിക്ക്ണൂ ഈ എയ്ത്ത്.സരസമാണ് ഭാഷ.ലളിതവും.എഴുത്ത് തുടരുക.കുളം പോസ്റ്റ് നമ്പര്‍-1 വെച്ച് വിലയിരുത്തുമ്പോള്‍ കുളം ഇനി കുളം വിചാരിച്ചാല്‍ പോലും കുളമാകില്ല കേട്ടോ.
ഈ പോസ്റ്റ് കൂടാതെ എക്സിത്താന്‍റെ ആദ്യ രണ്ട് പോസ്റ്റേ വായിച്ചിട്ടുള്ളൂ.പണിയൊന്നുമില്ലാത്തതിനാല്‍ ഏകദേശം മൂന്ന് നാല് മണിക്കൂറായിരിക്കുന്നു ലാപ്പിനു മുമ്പിലുള്ള ഈ കുത്തിയിരുപ്പ്.സോ മോശല്ലാത്ത നടുവേദനയുണ്ട്.തുടര്‍വായനക്കായി പിന്നെ വരാമെന്ന വാക്കോടെ സ്കൂട്ടാവുന്നു.ആശംസകള്‍
ഒരു കുളത്തെ ചുറ്റിപറ്റി ഒരുപാട് കഥകള്‍ മനസ്സില്‍ നില്‍ക്കണതുകൊണ്ടാണ് ഇതൊക്കെ തപ്പി പിടിച്ച് ഇങ്ങ് പോന്നത്.
ബാക്കീം നോക്കട്ട്. :)
എന്നാലും ആ കീരികൾക്ക് ആളെ കണ്ടയുടനെ മനസിലായി..അതല്ലേ ഓടി രക്ഷപ്പെട്ടത് :)