![Eroothno[21]](https://blogger.googleusercontent.com/img/b/R29vZ2xl/AVvXsEiKsIlW45lERx-KdsmCYZPEX1Zg8A9KFrOrq7VTnBz92ycBjlsMotBfDqsegcsZpTKctV2De6ZmPLY9FFEd4IF-2AmhiOEEzcffd_0jHc5NPYkPwtAHMXbyD0q5skfyL5HFY3WjmGtNd3Y/s1600-h/Eroothno%5B21%5D%5B68%5D.jpg "Eroothno[21]")
ഞാന്‍ എപ്പോഴും ചിന്തിക്കാറുണ്ട് എന്റെ കുട്ടികള്‍ എത്ര ഭാഗ്യമുള്ളവരാണെന്നു. സാധാരണ ഇക്കാലത്തെ കുട്ടികള്‍ക്ക് ലഭിക്കാതെ പോകുന്ന ഒരു കുട്ടിക്കാലമല്ലേ അവര്‍ക്ക് ലഭിച്ചത്..!
ഞങ്ങളടക്കം എല്ലാവരും തറവാടിന്‍റെ ചുറ്റു പാടുകളില്‍ തന്നെയാണ്.
വീട് വെച്ചത്.., ഓരോരുത്തര്‍ക്കും “ഇഷ്ട്ടം പോലെ” കുട്ടികള്‍..
{ ആര്‍ക്കും ആറില്‍ കൂടുതലില്ല കെട്ടോ..??!! }
അവര്‍ക്ക് കളിക്കാന്‍ വിശാലമായ പറമ്പുകള്‍..!
ചുറ്റുവട്ടത്തുള്ള കുട്ടികളെല്ലാം ഇവിടുത്തെ പറമ്പിലാണ് കളിക്കാന്‍വരുന്നത്,
{അതിനൊരു കാരണമുണ്ട്,,രഹസ്യമാണ്,,എന്നാലും നിങ്ങളോടു മാത്രം പറയാം.ഇപ്പറഞ്ഞ കുട്ടികളുടെ മാതാപിതാക്കള്‍ക്കൊരു ധാരണയുണ്ട്,,ഇവിടുത്തെ കുട്ടികളുമായി കൂട്ടു കൂടിയാല്‍
ചീത്തയായിപോകില്ലെന്ന്,}
പന്ത് കളിയായിരുന്നു മുഖ്യ ഇനം..,അപ്പോള്‍ ക്രിക്കെറ്റോ..എന്ന് ഒരു പക്ഷെ നിങ്ങള്‍ ചോദിച്ചേക്കാം. ക്രിക്കറ്റ് കളി ഞങ്ങള്‍ മുതിര്‍ന്നവര്‍ ഒട്ടും പ്രോത്സാഹിപ്പിച്ചിരുന്നില്ല. ..സമയവും കാലവുമില്ലാത്ത ആ ഭ്രാന്തന്‍ കളി മഗ്രിബ് നമസ്ക്കാരം തെറ്റിക്കുന്നത് കണ്ടപ്പോഴാണ് ഈ ചൂടന്‍ കളിയെ കുറിച്ചു കൂട്ടത്തില്‍ മുതിര്‍ന്നവരോട് പറഞ്ഞു മനസ്സിലാക്കി കൊടുത്തത്.
എന്നാലും പലര്‍ക്കും അതിനോട് തന്നെയായിരുന്നു താല്പര്യം,
ക്രിക്കെറ്റ് ബാറ്റിനു വേണ്ടി കരഞ്ഞു ശല്യം ചെയ്യാന്‍ ഏര്‍പ്പാടാക്കി അനിയന്മാരെ ഇടയ്ക്കിടെ ഞങ്ങളുടെ അടുത്തേക്കവര്‍ പറഞ്ഞയച്ചു കൊണ്ടിരുന്നു.
{ കുറെകാലം മൊത്തം മാതാക്കളും പിതാക്കളും ഗള്‍ഫിലായിരുന്നു.. ആദ്യതലമുറ വലുതായപ്പോള്‍ ഞങ്ങള്‍ മാതാക്കള്‍ നാട്ടില്‍ കൂടാന്‍ നിര്‍ബന്ധിതരായി..വലിയ കുട്ടികളെ നാട്ടിലിട്ടു ചെറിയ കുട്ടികളുമായി ഗള്‍ഫില്‍ നില്‍ക്കാന്‍ ഞങ്ങള്‍ തയാറായില്ല..എന്നതാണ് വാസ്തവം.,
ഭര്‍ത്താക്കന്‍മാരുടെ പ്രലോഭനത്തിന് വഴങ്ങാതെ
ഞങ്ങള്‍ അഞ്ചു മരുമക്കളില്‍ നാലുപേരും ഉറച്ചുനിന്നു,.അഞ്ചാമത്തെ ആള്‍ കുട്ടികള്‍ മുതിര്‍ന്നിട്ടില്ലാത്തതിനാല്‍ ഭര്‍ത്താവിനൊപ്പം ഇപ്പോഴും ഗള്‍ഫില്‍ കഴിയുന്നു. }.
ഒരിക്കലും കുട്ടികളെ ഈ കളിയിലേക്ക് തള്ളി വിടരുത്‌..എന്ന കാര്യത്തില്‍ ഞങ്ങള്‍ മാതാശ്രീകള്‍ ഒറ്റക്കെട്ടായി ഉറച്ചു നിന്നു. അത് കൊണ്ട് തന്നെ ക്രിക്കെറ്റ് ബാറ്റു വാങ്ങിക്കൊടുക്കുന്നപ്രശ്നമേയില്ല,,
എന്ന് തീരുനിക്കുകയും ചെയ്തു.
ഈ തീരുമാനങ്ങള്‍ക്ക് പുല്ലിന്‍റെ വിലയാണ് മക്കള്‍ കല്‍പ്പിച്ചതെന്ന കാര്യം വളരെ വൈകിയാണ് ഞങ്ങള്‍ അറിഞ്ഞത്...!
അപ്പോഴേക്കും ആ തീരുമാനങ്ങളെ കാറ്റില്‍ പറത്താന്‍ പോന്ന ചിലതൊക്കെ അവര്‍ അണിയറയില്‍ റെഡിയാക്കി വെച്ചിരുന്നു...!!
അങ്ങനെ അവര്‍ ഇക്കാര്യത്തില്‍ സ്വയം പര്യാപ്തരായത് മൂക്കില്‍ വെച്ച വിരലുമായി അതിശയത്തോടെ നോക്കിനില്‍ക്കാനേ
ഞങ്ങള്‍ മാതാശ്രീകള്‍ക്ക് കഴിഞ്ഞുള്ളു…!
നല്ല മക്കളല്ലേ…..ഇവരുടെ കൂടെ കൂടിയാല്‍ ഒരു മക്കളും ചീത്തയാവില്ല അല്ലേ…
************************************************************************************************
************************************************************************
*********************************************************************
*************************************************
************************************
***************************
***********
*****
***
**
ക്രിക്കെറ്റ് ബാറ്റും കുട്ട്യാളും തറവാടിന്‍റെ ചുമരില്‍.ചാരി…..---2004-ല്‍ എടുത്ത ചിത്രം.
അങ്ങനെ കുട്ടികളില്‍ മൂത്ത തലമുറകളുടെ കളിക്കാലം കഴിഞ്ഞു.
44 comments:
എന്താപ്പോ ഞാന്‍ പറയാ...!!
ക്രിക്കെറ്റ്ബാറ്റും കുട്ട്യാളും.
അതെന്നെ..!!
സത്യം പറ ഈ കാണുന്ന മടലോക്കെ വെട്ടി ബാറ്റാക്കി കൊടുത്തത് ആരാ..വേഗം പറയീന്‍..ഇല്ലേല്‍ ഞാനിപ്പം ഞമ്മടെ ബ്ലോഗിമോനോട് ചോദിക്കും...
ആവശ്യത്തിനു പറമ്പും തെങ്ങും ഉള്ളതിനാല്‍ കവിളന്‍ മടലിനും
ക്ഷാമം ഇല്ലായിരുന്നു അല്ലെ
കളിക്കാനും ഗ്രൗണ്ടില്‍ നിറയ്ക്കാനും വേണ്ടത്ര പിള്ളേരും ഉള്ളപ്പോള്‍
ക്രിക്കറ്റും നടക്കും
കുളമില്ലാത്ത പോസ്റ്റ് , ഹോ ചിന്തിക്കാനാവില്ല അല്ലേ..?
ഈ മടല്‍ ബാറ്റുകള്‍ തന്നെയായിരുന്നു ഒരുകാലത്ത് ഞങ്ങളുടെ പ്രധാന കളിയായുധം..കാത്തിരുപ്പിന്റെ ഒരുപാട് വര്‍ഷങ്ങള്‍ക്കു ശേഷമാണ് ഒരു തടി ബാറ്റ് കിട്ടുന്നത്...ആ ബാല്യകാളത്തിലേക്ക് ,ഓര്‍മയിലേക്ക് കൂട്ടിക്കൊണ്ടു പോയതിനു ഒരായിരം നന്ദി..
അങ്ങനെ തെങ്ങിന്റെ സാദ്ധ്യതകള്‍ കാലത്തിനൊപ്പം കുതിക്കുകയാണ്.. :):):)
മനോഹരമായ ബാറ്റുകള്‍.
ആ ക്രികറ്റ് ബാറ്റുകള്‍ കണ്ടപ്പോള്‍ ഞാന്‍ എന്റെ ബാല്യം ഓര്‍ത്തു പോയി. അന്ന് ഞങ്ങള്‍ക്കും ഇത് തന്നെ ആയിരുന്നു പണി. കിട്ടാവുന്ന മടലുകള്‍ മൊത്തമായി എടുത്തു പല രൂപത്തില്‍ ബാറ്റുണ്ടാക്കുക്ക
മടലുവെട്ടി ബാറ്റ് ഉണ്ടാക്കിത്തരാന്‍ കെഞ്ചിക്കൊണ്ടു ഉമ്മയുടെ പിന്നാലെ എത്രയോ നടന്നിരിക്കുന്നു.
ഓലപന്തുകൊണ്ട് ക്രിക്കറ്റ് കളിച്ചിരുന്ന കുട്ടിക്കാലത്തെ ഓര്‍മ്മകളിലേക്കു കൂട്ടിക്കൊണ്ടുപോയ പോസ്റ്റ്.
കുറച്ച് കുട്ടികളേം കൂടി അങ്ങോട്ട് കളിക്കാൻ വിട്ടോട്ടെ ഇത്താ....
കുട്ടികൾ അവർക്കിഷ്ടമുള്ളത് കളിക്കട്ടേ, പഠിക്കുമ്പോൾ വെറുതെ വിടില്ല നമ്മൾ, കളിയ്ക്കുമ്പോഴും വേണോ ഇടപെടൽ? നല്ല മിടുക്കന്മാർ.
പിള്ളേര് വെറുതെ കളിക്കട്ടെന്നെ...
തീര്‍ച്ചയായും ഭാഗ്യവാന്മാരാണ് ആ കുട്ടികള്‍..
അടുത്ത ആഴ്ചത്തെ ഇന്ത്യ-പാക്‌ സെമിക്ക് വേണ്ടി കാത്തിരിക്കയാണ്..
ഒരു nostalgia ... ഞാനും കുട്ടികാലതെക്ക് പോയി..
ക്രിക്കറ്റ് കളി അത്രക്കങ്ങു വശം ഇല്ലായിരുന്നെങ്കിലും, പെണ്ണായി പിറന്നു പോയെങ്കിലും ഞാനും കളിക്കുമായിരുന്നു ക്രിക്കറ്റ്..
ശരിക്കും ഭ്രാന്തന്‍ കളി തന്നെ.. ഇപ്പോഴും ലയിച്ചു പോകുന്നു ആ ഭ്രാന്തില്‍ ...
നല്ല പോസ്റ്റ്..
ചിത്രങ്ങള്‍ ഒന്നിനൊന്നു മെച്ചം..
വിവിധ വര്‍ണ്ണത്തിലുള്ള പട്ട ബാറ്റുകള്‍. കുട്ടിക്കാലം മനസ്സില്‍ വരുന്നത് ഇത്തരം കാഴ്ചകളിലൂടെ ആണ്.
മൂന്നു സെന്റു സ്ഥലം വാങ്ങി ശ്വാസം വിടാന്‍
സൌകര്യമില്ലാതവിധം വലിയ വീടും വെച്ച് ബാങ്ക്
ലോണ്‍ എടുത്തു ഒരുകാരും പോര്‍ച്ചില്‍ നിര്‍ത്തി
പൊങ്ങച്ചത്തിനു ജീവിക്കുന്ന കുടുംബങ്ങള്‍ക്ക് മക്കള്‍
'ക്രിക്കെറ്റ്' അറിയാത്തവരാകുന്നത് സഹിക്കുമോ?
എതോരുവനെയും ആവേശം കൊള്ളിക്കുന്ന ഫുട്ബോള്‍
ഇന്ന് പഴഞ്ചന്‍.അത് ദരിദ്രവാസിയുടെ കളിയാണ്.
മൊത്തം ജീവിതം ബാങ്കിനു കടപ്പെടുത്തി ജീവിക്കുമ്പോള്‍
പൊങ്ങച്ചം പടുത്തുയര്‍ത്തുന്ന ആ വീട്ടില്‍ കണ്ണീരാണ്
പലപ്പോഴും. മൊത്തമായി ബാങ്ക് കൊണ്ടുപോകുന്നതോടെ
കൂരപോലും ഇല്ലാതാകുന്ന അവസ്ഥയും ഒരുപാട് കാണുന്നു.
മനുഷ്യന്റെ അഹങ്കാരവും, പൊങ്ങച്ചവും അടുത്ത ഒരു
സുനാമിക്ക് ആക്കം കൂട്ടും വിധം ആവാതിരിക്കുക.
ഈ വീട്ടമ്മയുടെ എഴുത്ത് ശൈലി രസമുള്ളതാണ്.
എന്തെഴുതിയാലും വായിക്കാന്‍ തോന്നും.
അടുത്ത ബോറടിപ്പിക്കലിന്നായി കാത്തിരിക്കുന്നു.
--- ഫാരിസ്‌
ജാസ്മിക്കുട്ടീ..ഓടിവന്നിട്ട് എന്നെക്കൊണ്ട് സത്യം പറയിക്കുന്നോ..ആരവിടെ...?
ഈ ബാറ്റിനെ കുറിച്ചു ബ്ലോഗിമോനോടോന്നും ചോതിച്ചിട്ടു കാര്യമില്ല കേട്ടോ..
അന്നത്തെ ബ്ലോഗിമോനെയും അനിയത്തിയെയും കുളത്തില്‍ കണ്ടില്ലേ..അത്രേ ഉണ്ടായിരുന്നുള്ളൂ അന്ന്.
ഇനി ഞാന്‍ സത്യം പറയാം.,
കുടുംബത്തില്‍ മുതിര്‍ന്ന പയ്യന്‍ ഇപ്പോള്‍ എന്റെ മരുമോന്‍,പിന്നെ ഓരോരുത്തരുടെയും മൂത്ത മക്കള്‍.ഇവരാണ് ഉണ്ടാക്കിയത്.
പോരെ..അടിയന്‍,,ഉത്തരവ്‌..!!
രമേശ്‌ സാര്‍..അതെ ഇവിടെ ഇപ്പോഴും കുട്ടികള്‍ കളിക്കുന്നു.പകല്‍ നേരങ്ങളില്‍ കമ്പ്യൂട്ടറിനും ടി വി ക്കും മുന്നില്‍ ഇരിക്കാന്‍ ഇവിടെ ഒരെണ്ണത്തിനെ കിട്ടില്ല.വെക്കേഷന്‍ മൊത്തം വെയിലുകൊണ്ട് തീര്‍ക്കും ഇവര്‍.
മൊയിദീന്‍ ഭായ്‌..കളികഴിഞ്ഞാല്‍ പിന്നെ ഒക്കെ കുളത്തിലാ..,കുളമില്ലാതെ പിന്നെ ..
ജുനയിദ്‌,,ഓര്‍മകളിലേക്ക് കൂട്ടിക്കൊണ്ടു പോയി അല്ലെ..സന്തോഷം.
ഇസ്ഹാഖ് ഭായ്‌..,തെങ്ങില്‍ നിന്നും അനന്തസാധ്യതകള്‍ അല്ലേ..,നന്ദി.
സലാം ഭായ്‌..,ഈ വാക്കുകള്‍ തന്നെ ധാരാളം.നന്ദി.
റ്റോംസ്..,ഓരോരുത്തര്‍ക്കുമുണ്ട് ഓര്‍ക്കാന്‍ ഇതുപോലെ പലതും.
എന്റെ ഓര്‍മകളില്‍ നിറയെ കമുങ്ങുപാളകളില്‍ ഇരുന്നുള്ള യാത്രകളാണ്..
ഷമീര്‍..,ഓലപ്പന്തും മടല്‍ബാറ്റും ഇല്ലാത്ത കുട്ടിക്കാലം ആര്‍ക്കുമില്ല അല്ലേ..,സന്തോഷമുണ്ട് ഈ പറച്ചിലിന്.
മുഹമ്മദ്‌ കുഞ്ഞി..,വിട്ടോളൂ..അധികം ദൂരവുമില്ല.
ഒരേ നാട്ടുകാരല്ലേ..{ചുമ്മാ}
ശ്രീനാഥന്‍..,അവര്‍ ക്രിക്കറ്റ് കളിക്കുന്നുണ്ട്.പ്രോത്സാഹിപ്പിച്ചില്ലെന്നു മാത്രം.
ഇത്ര ചിലവില്ലാത്ത കളികള്‍ തന്നെ ധാരാളമുണ്ടല്ലോ.
ഡോ.കതിരൂര്‍..,അതെ അതെ അവര്‍ കളിക്കട്ടെ..
മേയ്ഫ്ലവര്‍..,അല്ലെന്നു പറയാനൊക്കില്ല.
ക്രിക്കെട്ടിന്‍റെ ആളാണോ..
ഞാന്‍ കാണാറില്ല.കെട്ടോ..,നന്ദിയുണ്ട്..
പദസ്വനം..,അപ്പൊ അതായിരുന്നു അല്ലേ..പണി.ആമ്പിള്ളാരെപ്പോലെ ക്രിക്കെറ്റ് കളിക്കല്‍.ഇപ്പോഴും കളിക്കാരുണ്ടോ.
റാംജി ഭായ്‌..,അതെ അതുതന്നെ.നന്ദിയുണ്ട് ഈ നല്ല വാക്കുകള്‍ക്ക്.
ഫാരിസ്‌ ഭായ്‌..,
പറഞ്ഞ കാര്യങ്ങള്‍ സത്യം തന്നെ,,
പിന്നെ അവസാനം പറഞ്ഞ കാര്യം.
അപ്പോള്‍ ബോറടിക്കുന്നുണ്ടെന്ന് സാരം..
എന്താ ചെയ്യാ..എന്നെകൊണ്ട് ഇതൊക്കെയല്ലേ പറ്റൂ..
ഇനിക്കൊതിരി ഇഷ്ടമായി വായിച്ചു കഴിഞ്ഞപ്പോള്‍ .....ഈ ബ്ലോഗും ഈ എഴുത്ത് ശൈലിയും ...
അതെ വായനയെക്കാള്‍ എനിക്ക് പെരുതിഷ്ട്ടപെട്ടത്‌ ആ ഫോടോയാ.. അത് എന്നി നോക്കി ഞാന്‍ .. പത്തൊന്‍പതു ബാറ്റ് ...അതും അസെമ്ബ്ലിക്ക് നിക്കണ പോലെ നല്ല ചേലില്‍..ഹി ഹി ഇഷ്ട്ടപെട്ടു ..
കുട്ട്യോളോട് കളിക്കണ്ടാട്ടോ പ്രവാസിന്യേ ...
പലതരം സിക്സറുകള്‍ അടിക്കുന്ന ബാറ്റുകള്‍ ആണത് !
സംശയിക്കണ്ട ...
ആ ക്ലൈമാക്സ് പിക്ചര്‍ വളരെ നന്നായി. എഴുത്തും.
തെങ്ങ്....കല്പവൃക്ഷം.....എല്ലാ ഭാഗവും ഉപയോഗപ്രദം.......
എത്ര ശരി...ബ്ലോഗിനു പോലും ഉപയോഗിക്കാം
ബഷീര്‍ വള്ളിക്കുന്ന്.., സന്തോഷമുണ്ട് താങ്കളുടെ വരവില്‍.ഇവിടെ ഇതാദ്യമല്ലേ..
നല്ല വാക്കുകള്‍ക്ക് ഒരുപാടു നന്ദി.
അജിത്‌ ഭായ്‌..,ഇങ്ങനെ പോയാല്‍ തെങ്ങല്ല,,കമുങ്ങും പ്ലാവും മാവുമൊക്കെ പോസ്റ്റാക്കേണ്ടി വരുമെന്നാ തോന്നുന്നേ..
മൂന്നു മറുപടി കമന്‍റുകള്‍ പോസ്റ്റുമാന്‍ കൊണ്ടുപോയോ..പോസ്റ്റ് ചെയ്തതാ..
പക്ഷെ എവിടെ..ഇനിയിപ്പോ ഒന്നുകൂടി എഴുതുക തന്നെ.
അബ്ദുള്‍ജബ്ബാര്‍...നല്ല വാക്കുകള്‍ക്ക് ഒരുപാട് നന്ദി.
മാഡ്...എന്താ ഒരു അച്ചടക്കം അല്ലെ..
ബാറ്റുകളുടെ കാര്യാ പറഞ്ഞെ.
പുഷ്പം...കുട്ടികളോട് കളിക്കില്ല..
അവരെന്നോട് കളിക്കുന്നു.
ക്രിക്കറ്റ് കളിക്കാൻ പുറത്തു നിന്നും കളിക്കാരെ വിളിക്കേണ്ടല്ലൊ...!
ക്ലൈമാക്സ് പടം കലക്കീട്ടൊ...
ആശംസകൾ...
ബാല്യത്തിന്റെ ക്രീസിലേക്കിറങ്ങി ഞാനും അടിച്ചു..ഓര്‍മ്മകളിലെക്കൊരു സിക്സര്‍.
നല്ല പോസ്റ്റ്.
താത്താ, പീട്ടീ മാഷ്‌ ക്രിക്കറ്റ് കളി നിരോധിച്ചിട്ടു പോലും ഞങ്ങളൊക്കെ നവോദയയില്‍ ക്രിക്കറ്റ് കളിച്ചിട്ടുണ്ട്. മാഷ്‌ ഒരു ഫുട്ബോള്‍ പ്രേമി ആയതു കൊണ്ട് അദ്ദേഹം ഫുട്ബാളിനെ പ്രോത്സാഹിപ്പിക്കുകയും ക്രിക്കറ്റിനെ അടിച്ചമര്‍ത്തുകയും ചെയ്തിരുന്നു.
ഞങ്ങള്‍ടെ അടുത്താ മാഷിന്റെ കളി?
എന്ത് ചെയ്യരുത് എന്ന് പറയുന്നോ, അത് തന്നെ ചെയ്യും എന്ന് വാശി പിടിക്കുന്ന ആ പ്രായത്തില്‍ ഏതു നിരോധനവും അത് ലംഘിക്കാനുള്ള പ്രേരനയാനല്ലോ..
അതൊക്കെ തന്നെ ഇതും , അല്ലെ?
ക്രിക്കറ്റിനോട് ഇത്രേം ശത്രുതയായിരുന്നെന്കില്‍ എപ്പഴേ ആ 'മടലുകള്‍' അടുപ്പിലെ വിറകാവുമായിരുന്നു.
(ഫാരിസ്‌ എഴുതിയതിനോട് യോജിക്കുന്നു)
പിള്ളേരല്ലേ ..അവര്‍ക്ക് ഇഷ്ടമുള്ള കളികളിലേര്‍പ്പെടെട്ടെന്നേ..
പ്രവാസികള്‍ നോസ്റ്റാള്‍ജിയ അടിപ്പിച്ചു കൊല്ലും ഈ എക്സിന്റെ ഓരോ പോസ്റ്റും! :)
തീര്‍ച്ചയായും ഈ മട്ടല്‍ ബാറ്റ് (നിങ്ങള്‍ നന്നാക്കി മഡല്‍ എന്നൊക്കെ പറയും) ഒരു നൊസ്റ്റാള്‍ജിയയാണ്. എത്ര ജനലിന്റെ ഗ്ലാസ്സ് പൊട്ടിച്ചിട്ടുണ്ടെന്നറിയോ ചെറുപ്പത്തില്‍. ഞാന്‍ അടുത്ത വീട്ടിലെ ജനലിന്റെ ഗ്ലാസ്സ് പൊട്ടിച്ചപ്പോള്‍ അവിടുത്തെ അപ്പൂപ്പന്‍ ഞങ്ങള്‍ക്ക് കളിക്കാന്‍ സ്ഥിരമായി ഓലപ്പന്ത് ഉണ്ടാക്കിതരാന്‍ തുടങ്ങി.
മക്കളെ കളിയ്ക്കാന്‍ അനുവദിക്കൂ... ഭാവിയിലെ ഒരു സച്ചിനെയാണെങ്കിലോ നിങ്ങള്‍ കുഴിച്ചുമൂടുന്നത്...
ആശംസകള്‍...
എക്സേ, ഞാനും ഒരു എക്സ് ആണ്, എക്സ് - ബാല്യക്കാരി...! :)
(പക്ഷേ, മനസ്സില്‍ ഇന്നും ബാല്യം സൂക്ഷിക്കുന്നു )
കുട്ടിയും കോലും, ഗോലി കളി,കള്ളനും പോലീസും കളി എന്നിവ പോലെ തന്നെ ഫുട്ബോള്‍ , ക്രിക്കെറ്റ് ,ബാസ്ക്കെറ്റ് ബോള്‍ എന്നിവയും കളിച്ചിരുന്നു, ആണ് -പെണ്‍ വ്യത്യാസമില്ലാതെ .... ആദ്യകാലത്ത് ഇത്തരം മടല്‍ ബാറ്റുകള്‍ ഉപയോഗിച്ച് തന്നെയാ കളിച്ചിരുന്നത്.അച്ഛന്‍, അമ്മ , മാമന്‍മാര്‍, അപ്പച്ചി എല്ലാവരും ചേര്‍ന്ന്.... ഹോ , എന്തു രസായിരുന്നു ...!
ആ നിറമുള്ള ബാല്യത്തിലേക്ക് കൂട്ടികൊണ്ട് പോയതിന്‌ ഒരുപാടു നന്ദി ട്ടോ...
മടല്‍ ബാറ്റുകൊണ്ടു തന്നെയായിരുന്നു എന്റെ ക്രിക്കറ്റ് കളിയുടെ തുടക്കവും..!!
ശരിക്കുമീ ചിത്രം കണ്ടപ്പോള്‍ പച്ചമടല്‍ ചെത്തി ബാറ്റുണ്ടാക്കുമ്പോഴുണ്ടാകുന്ന
ആ മണം മൂക്കിന്‍ തുമ്പിലെത്തിയതു പോലെ..!!
നല്ല ഉഗ്രന്‍ കോക്കനട്ട് ബാറ്റുകളാണല്ലോ? ഇവിടെയും പിള്ളേര് ഒരു കാലത്ത് ഇതൊക്കെ ഉണ്ടാക്കിയിരുന്നു. എനിക്കെന്തോ ക്രിക്കറ്റിനോട് ഒരു പ്രത്യേക വെറുപ്പു തന്നെയാണ്!.മൂത്ത മകന്‍ ചെറുപ്പത്തില്‍ മച്ചിങ്ങ കൊണ്ടു ബാറ്റു ചെയ്തപ്പോള്‍ {ഞാനായിരുന്നു ബൌളര്‍}നെറ്റിയില്‍ കിട്ടിയ അടിയാണോ കാരണമെന്നറിയില്ല.ഈ ബാറ്റുകള്‍ നന്നായി ഉണങ്ങിയാല്‍ പിന്നെ അടുപ്പില്‍ വെക്കാനും സൌകര്യമായിരിക്കും!.[ ഈ പോസ്റ്റ് വായിക്കാന്‍ വന്നപ്പോഴേക്കും പുതിയ പോസ്റ്റ് കണ്ടു. അത് വായിച്ചു കമന്റിട്ടപ്പോള്‍ സിസ്റ്റം അതൊരെററാക്കി എങ്ങോട്ടോ പോയി..ഇനി വീണ്ടും അവിടെ കമന്റണം!]
ഇപ്പോള്‍ ഇതൊന്നും കാണാനേ ഇല്ല
ഹ...ഹ....ഉമ്മ ഞങ്ങളുടെ കളിയും പോസ്റ്റാക്കിയോ?????.....കാക്കമാര്‍ കളിക്കുമ്പോള്‍ ഞങ്ങള്‍ ചെന്ന് കളി കുളമാക്കുമ്പോള്‍ ഞങ്ങള്‍ക്ക് ഉണ്ടാക്കി തരുന്നതാ ആ കുഞ്ഞു ബാറ്റുകള്‍...{അന്ന് ഞാന്‍ ചെറുതായിരുന്നു....}.....Unforgettable Memories....
ഈ ബ്ലോഗിലെ നീന്തല്‍ കുളമാണ് എന്നെ വീണ്ടും വീണ്ടും ഇങ്ങോട്ട് വരാന്‍ പ്രേരിപ്പിക്കുന്നത് ..പലപ്പോഴും ബ്ലോഗ്‌ വായിക്കാതെ തന്നെ ചുമ്മാ നീന്തല്‍ കുളം കണ്ടു അതില്‍ ഒന്ന് നീന്തി കുളിച്ചു തിരിച്ചു പോവാറുണ്ട്
ഇവിടെ വന്നു നല്ല അഭിപ്രായങ്ങള്‍ പറഞ്ഞ എല്ലാവര്ക്കും നന്ദി.
വിശദമായൊരു മറുപടി പറയാന്‍ ആഗ്രഹമില്ലാഞ്ഞിട്ടല്ല.
സോറി.ഇച്ചിരി തിരക്കിലായിപ്പോയി.സ്കൂളൊക്കെ പൂട്ടിയില്ലേ,,,
njaanum vaayichchutto.nannaay.
നാളിതു വരെ ഞാന്‍ കളിക്കാത്ത കളി.
ഇന്ന് കുട്ടികള്‍ കളിക്കുന്നതില്‍ പരാതി ഇല്ലാതില്ല .
പക്ഷെ നിയന്ത്രണത്തില്‍ വരുന്നില്ല
അവര്‍ കളിക്കട്ടെ വിവരം വക്കുമ്പോള്‍ ഒഴിവാകും .
അതാണ്‌ അനുഭവം.
മുല്ല,,
ഓ എ ബി ,
വയ്കിയാണെങ്കിലും വായിക്കാന്‍ സമയം കണ്ടെത്തിയതില്‍ സന്തോഷം.
ഭാഗ്യം ചെയ്ത മക്കളാണ്‌.
വായാടി ഓടി നടക്കാന്‍ തുടങ്ങി ല്ലേ..
വന്നല്ലോ ,,നന്ദിയുണ്ട് കെട്ടോ.
Post a Comment